到3點幾醒了,想了一會,先發覺原來自已無死到,這一刻整個人平靜咗好多,只有靜靜地望周邊的人與物,原來這一年來,沒有給腦海靜下來觀看同感受身邊的一切,當刻感覺好舒服,雖然唔係好夠瞓,但整個人都好輕鬆,無壓力,希望唔好消失呢種心情就好嘞
戀的人、掛的事,都只不過是過眼雲煙,任何人到最後都不能帶走,既然這樣,何必執著眼前的一切????
已看不到將來的我,每一個明天都會係我最後一天,因唔知何時又有當日的感覺,又唔知到時會唔會唔再回來,現在做的,只會好好地珍惜每一天
早幾天以為自已夠時間離開呢個世界,醒後才知自已仍未死......初四晚本應想早d瞓,因前一晚又無瞓,點知瞓到大約12點幾個心嗱住痛,初時以為平日的痛一陣,但發現痛的情況不同,連呼吸都好困難,仲要痛咗幾次,終於忍唔住爬起身換衫諗住去醫院,但換好衫後又痛番,只有返去床到,每一次的呼吸都會加烈痛楚,但那一刻我感覺到開始有離開身體的感覺,從來未試過,令我想起 "out of body",我不知不覺已經覺得自己好輕好輕,奇怪地當好輕的感覺到時,心的痛開始漸漸無,漸漸地覺得有一個地方等待我進入.....
[1] 放眼四方
